Fransa meydan oxudu – “Açıq şəkildə bildiririk ki...”

Ukraynaya uzaqmənzilli raketlər verən Fransa Kiyevin Rusiya ərazisindəki hərbi obyektlərə zərbə endirmək variantının gündəmdə qaldığını açıq şəkildə bəyan edib.

Teleqraf.com xəbər verir ki, bu barədə ölkənin xarici işlər naziri Jan-Noel Barro bildirib.

“Açıq şəkildə bəyan edirik ki, bu, nəzərdən keçirəcəyimiz variantlardan biridir. Bu, Rusiyanın Ukrayna ərazisinə təcavüz etdiyi hədəflərə hücumlara aiddir”, - Fransanın baş diplomatı vurğulayıb.

ABŞ Prezidenti Co Bayden Ukraynaya Rusiyanın dərinliyinə zərbələr endirmək üçün Amerika istehsalı silahlardan istifadə icazəsi verib.

Müvafiq qərar Böyük Britaniya və Fransa tərəfindən də qəbul edilib.