“Müharibə Donbas və Krım qaytarılanda bitəcək”

“Ukraynada dinc həyat yalnız Donbas və Krım qaytarılandan sonra başlayacaq”.

Teleqraf.com BBC-yə istinadən xəbər verir ki, bunu Ukrayna prezidenti Petro Poroşenko bəyan edib.

Onun sözlərinə görə, bu məsələdə heç bir kompromis ola bilməz. Poroşenko hesab edir ki, münaqişənin həlli üçün optimal variant Luqansk və Donetsk vilayətlərindəki bütün ərazilərin Kiyevin nəzarətinə qayıtmasıdır:

“Ukrayna və ATƏT bir neçə dəfə Rusiyaya hərbi texnikanın geri çəkilməsinə dair müraciət ünvanlayıb. Bütün əsirlərin dəyişdirilməsi və ATƏT-in monitorinq qrupunun bölgəyə girişi çox mühümdür”.

Samir