Avropada Saxara istiləri

Qərbi və cənub-qərbi Avropa Saxara istilərindən əziyyət çəkir.

AZƏRTAC Euronews telekanalına istinadla xəbər verir ki, Fransada və Almaniyada havanın hərarəti 40 dərəcəyə çatır. İtaliya və İspaniyada da şiddətli istilər hökm sürür. Buna Saxara səhrasından əsən küləklərin səbəb olduğu bildirilir.

Sinoptiklərin məlumatına görə, Almaniya üzərində yerləşən böyük antisiklon Atlantikadan təmiz dəniz havasının daxil olmasına maneçilik törədir.