27 İyul 2015 09:22
1 043
12 Punto 14 Punto 16 Punto 18 Punto

Kamerunun Marua şəhərində kamikadze partlayış törədib. Barda baş vermiş hadisə nəticəsində azı 21 nəfər öldürülüb, 63 nəfər yaralanıb.

ANS PRESS-in məlumatına görə, hadisəni törədən şəxs gənc qız olub. Faktla bağlı istintaq araşdırması başladılıb.

Hücuma görə məsuliyyəti heç kim üzərinə götürməyib. Lakin polis hücumda Boko Haram qruplaşmasının əli olduğunu ehtimal edir.

Boko Haram qruplaşması tərəfindən törədildiyi ehtimal olunan daha bir partlayış isə, Nigeriyanın Yobe ştatında baş verib.

Kamikadzenin üzərindəki partlayıcını işə salması nəticəsində azı 16 nəfər öldürülüb, 50 nəfər ağır yaralanıb. Hadisə bazar meydanı yaxınlığında törədilib.


Müəllif: