NATO Rusiya sərhədinə əlavə qüvvələr yeridir

Şimali Atlantika İttifaqı (NATO) Rusiya ilə sərhədləri boyu qoşunlarının sayının artırmağı planlaşdırır.

Publika.az Amerikanın “The Wall Street Journal” nəşrinə istinadən xəbər verir ki, ittifaq Polşa və üç Baltikyanı ölkənin hər birində 800-1000 hərbçi yerləşdirə bilər.

Nəşrin məlumatına görə, plan hələ erkən mərhələdədir və Şimali Atlantika Şurasına təqdim edilməyib. Lakin qəzet qeyd edir ki, əlavə güclərin yerləşdirilməsi haqqında qərar 2016-cı ilin iyulunda nəzərdə tutulmuş NATO sammitinə qədər qəbul ediləcək.