Avropalı deputatlardan Putinə qarşı sanksiyalar tələbi

Avropa Parlamentinin üzvləri Avropa Birliyinin xarici siyasət məsələləri üzrə rəsmisi Federika Mogerinini ukraynalı pilot Nadia Savçenkonun qanunsuz həbsinə görə Rusya prezidenti Vladimir Putin və digər 28 şəxsə qarşı sanksiyalar tətbiq etməyə çağırıblar.

Martın 8-də 57 deputatın imzaladığı müraciətdə Rusiya vətəndaşları və rusiyapərəst separatçılar, Savçenkonun qanunsuz siyasi qərarla oğurlanaraq Rusiyaya aparılması və qondarma ittihamlarla məhkəməyə cəlb edilməsində ittiham olunurlar.

Deputatlar Putinlə yanaşı, Rusiya təhlükəsizlik xidmətinin direktoru Aleksandr Bortnikob, Dövlət Dumasındakı xarici məsələlər üzə komitənin rəhbəri Aleksei Puşkov və Ukraynanın şərqindəki separatçıların lideri İgor Plotnitskini qara siyahıya salmağa çağırırlar.

Saçenko 2014-cü ildə Ukraynanın şərqində tutularaq Rusiyaya aparılıb. O, 2 rusiyalı jurnalistin qətlində, onların yerini deməkdə ittiham olunur. Savçenko ittihamı rədd edir və hazırda quru aclıq aksiyası keçirir.