Almaniya hərbi qulluqçularının sayını artırır

Almaniyanın müdafiə naziri Ursula fon der Lyayen bundesverdə əsgər və zabit sayının artırılmasına dair planı təqdim edəcək. Bu haqda bu gün alman KİV-ləri məlumat verib. Onların məlumatına görə, hərbi qulluqçuların sayı 7 min nəfər artacaq. Bundan əlavə, artım mülki qulluqçulara da şamil olunacaq - 3 min nəfər.

Yaxın vaxtlarda açıqlanacaq plan, bundestaqın hərbi qulluqçuların işləri üzrə müvəkkili Hans-Peter Bartelsin son bəyanatlarına uyğundur. 2015-ci ilin dekabrında o bildirib ki, beynəlxalq münaqişələrin çoxalması ilə əlaqədar alman ordusunun sayını ən azı 7000 nəfər artırmaq lazımdır. Bartelsin sözlərinə görə, 2010-cu ildə bundesverdə başlamış islahatlarda nəzərdə tutulduğu kimi hərbi qulluqçuların sayını ən azı 185 min nəfərə çatdırmaq lazımdır.