Davudoğludan İstanbul terroru ilə bağlı AÇIQLAMA

"İstanbulun İstiqlal prospektində baş verən terror aktı diqqətlə araşdırılır. İnsidentlə bağlı ən qısa vaxtda açıqlamalar veriləcək".

Teleqraf.com xəbər verir ki, bu sözləri Türkiyə Baş naziri Əhməd Davudoğlunun xalqa ünvanladığı məktubunda yer alıb:

"Bu gün səhər saatlarında ölkəmizə turist kimi gələn əcnəbi ölkə vətəndaşlarının olduğu bölgədə terror aktı törədilib. Bu hadisədə əli olan caniləri ölkəm, millətim və hökumətim adından lənətləyirəm. Hücumda həyatını iirənlərin ailələrinə və yaxınların baş sağlığı, yaralılara isə şəfa diləyirəm. Bu hadisədə bir daha əmin olduq ki, terrorun hədəfi bütün insanlıqdır. Ölənlər arasında 12 əcnəbi var. Türkiyə terrorla mübarizəsini dayandırmayacaq və qısa müddətdə bu olayda günahkar olan hər bir kəs cəzasını alacaq".

Samir