Boko Haramın oğurladığı qızlardan biri tapıldı

Nigeriyada Boko Haram islamçı qruplaşması tərəfindən qaçırılmış qızlardan biri aşkar edilib, fəallar bildirir.

Bu, oğurlanmış məktəblilər arasından tapılmış ilk qızdır. Nigeriyanın şimal-şərqində 2014-cü ilin aprel ayında məktəbli qızların oğurlanmasından sonra hələ də 218 məktəbli qızın yeri məlum deyil.

Fəalların BBC-ə verdiyi məlumata görə Əminə, Əli Nkeki adlı qız çərşənbə axşamı Kamerunla sərhədə yaxın meşəlikdə tapılıb. Qızlar islamçı Boko Haram qruplaşması tərəfindən oğurlanmışdı.

Əminənin mülki döyüşçü tərəfindən tapıldığı bildirilir.