İstanbuldakı partlayışda ölənlərdən biri azərbaycanlıdır YENİLƏNİR

"Türkiyənin İstanbul şəhərində baş vermiş terror aktı zamanı Azərbaycan vətəndaşının ölməsi və ya yaralanması barədə KİV-də verilən məlumat Azərbaycanın Türkiyədəki Səfirliyi və İstanbuldakı Baş Konsulluq tərəfindən Türkiyənin müvafiq orqanları vasitəsi ilə araşdırılır".

Bu barədə APA-ya Azərbaycan Xarici İşlər Nazirliyinin mətbuat katibi Hikmət Hacıyev bildirib.

Qeyd edək ki, bu gün səhər saatlarında İstanbulun Veznecilər məhəlləsində ard-arda 2 partlayış baş verib. Hadisə nəticəsində 11 nəfərə ölüb. Ölənlərdən 7-si polis əməkdaşı, 4 nəfər isə mülki şəxsdir. Hadisə nəticəsində 36 nəfər yaralanıb ki, onlardan da 3 nəfərin vəziyyəti ağırdır. NTV kanalının məlumatına əsasən yaralananlardan biri Azərbaycan vətəndaşıdır.

***

İstanbulda partlayışda ölənlərin arasında 1 nəfər azərbaycanlı olduğu bildirilir.

Bu barədə TRT Haber məlumat verir. Azərbaycanın Türkiyədəki səfirliyindən Trend-ə verilən məlumata görə, azərbaycanlı olduğu deyilən mərhumun şəxsiyyəti müəyyənləşdirilir.

***

İstanbulda baş verən partlayışda ölənlərin sayı 11, yaralıların sayı isə 36-ya çatıb. Ölənlərdən 7-si polis nəfəridir.

***

İstanbulda polis avtomobilində partlayış olub.

Teleqraf.com xəbər verir ki, nəticədə 8 nəfər yaralanıb. Onlardan birinin vəziyyəti ağırdır.

Partlayışdan sonra ərazidə atışma səsləri eşidildiyi bildirilir.

Hadisə yerinə yanğınsöndürən maşınlar və xilasedicilər cəlb edilib.

Hökumət insidentlə bağlı hələ heç bir rəsmi bəyanat səsləndirməyib.