“Traktorsazi” lider ola bilmədi

İran çempionatında 17-ci turun oyunları keçirilir.

Qol.az-ın məlumatına görə, Təbrizin "Traktorsazi" klubu bu gün öz meydanında "Sanat Naft"la qarşılaşıb.

Görüş 2:2 hesablı bərabərliklə başa çatıb. "Traktorsazi" oyun ərzində iki dəfə hesabda önə keçsə də üstünlüyünü qoruya bilməyib.

Doğma meydanda vacib 2 xal itirən təbrizlilər lider ola bilməyib. Komanda hazırda 34 xalla 2-ci pillədə qərarlaşıb. Lider "Persepolis"in isə 35 xalı var.