Daha bir boksçumuz DÇ-nin 1/4-də

Almaniyanın Hamburq şəhərində kişi boksçular arasında keçirilən dünya çempionatında 1/8 final mərhələsinə yekun vurulub.

Boks Federasiyasından Teleqraf.com-a verilən məlumata görə, mərhələnin son günündə Azərbaycan millisinin 2 boksçusu da rinqə çıxıb.

Məhəmmədrəsul Məcidov (+91 kq) mundialda növbəti qələbəsini qazanıb. İkiqat dünya çempionumuz iordaniyalı Hüseyn İşayşi məğlub edib - 5:0 (30:27, 30:26, 30:27, 30:27, 30:27).

Məcidov 1/4 finalda Camili-Dini Aboudo-Moindze (Fransa) ilə üz-üzə gələcək. Döyüş bu gün olacaq.

Boksçu Pərviz Bağırov isə yarışla vidalaşıb. 69 kq çəki dərəcəsində mübarizə aparan Bağırov 1/8 finalda Tuvşinbat Byambaya (Monqolustan) 1:4 (28:29, 27:30, 29:28, 27:30, 27:30) hesabı ilə məğlub olub.