Qurbanov Samir Abbasova təşəkkür etdi – Səbəb

“Qarabağ”ın baş məşqçisi Qurban Qurbanov “Sumqayıt”la keçirilən yoxlama görüşü barədə fikirlərini bölüşüb.

Teleqraf.com xəbər verir ki, o, oyundan razı qaldığını bildirib:

“Oyun pis olmadı. Sürətli qarşılaşma izlədik. İstəyirdim ki, belə bir matç olsun. “Sumqayıt”ın baş məşqçisi Samir Abasov sağ olsun, əvvəlcədən bu oyunla bağlı razılıq əldə etmişdik. Düşünürəm ki, hər iki komanda yaxşı çıxış etdi. Futbolçuların istəklərindən razı qaldım, həm “Sumqayıt”, həm də bizimkilər istəkli idilər. Oyun düşündüyümüz proqram üzərində alındı”.

Qeyd edək ki, qarşılaşma ağdamlıların 2:1 hesablı qələbəsi ilə başa çatıb.