Klublar onlar üçün milyonlarını xərcləyib - Siyahı

"Transfermarkt" portalı bu il qiyməti ən çox artan futbolçuların siyahısını açıqlayıb.

Teleqraf.com xəbər verir ki, "Bavariya"nın yarımmüdafiəçisi Alfonso Devis və Dortmund "Borussiya"sının forvardı Erlinq Holand ən çox bahalaşan oyunçulardır.

Holandın transfer qiyməti 122,2% bahalaşaraq 90 milyon funt sterlinq olubsa, 18 yaşlı Devisin dəyəri 220% artaraq 72 milyon funt sterlinqə qalxıb.

"Barselona"nın 18 yaşlı yarımmüdafiəçisi Ansu Fati bu göstəricidə üçüncüdür. Fatini heyətinə qatmaq istəyənlər Kataloniya klubunun qapısını 72 milyon funt sterlinqlik təkliflə döyməlidir.