Məşhur MMA çempionu içkiyə qurşandı

Rusiyalı qarışıq döyüş növləri (MMA) ustası Aleksandr Emelianenko alkoqolizmdən əziyyət çəkir.

Teleqraf.com xəbər verir ki, bu barədə onun meneceri Nikita Burçak bildirib.

Burçakın sözlərinə görə, 41 yaşlı döyüşçünün nasazlıqları sağlamlığına yanlış yanaşma ilə bağlı olub. Menecer qeyd edib ki, bundan sonra onunla xeyli iş aparılıb ki, bu da onun vəziyyətini müəyyən etməyə və sağlamlığını bərpa etməyə imkan verib.

Burçak bildirib ki, hazırda idmançı daha yaxşı əhval-ruhiyyədədir. “Bu problemi peşəkarcasına bilən həkim onunla daim əlaqə saxlayır. O, idmançıya bəzi tibbi məsləhətlər verir.

Aleksandr Emelianenko rusiyalı qarışıq döyüş növləri ustası, keçmiş ProFC dünya çempionudur. Döyüş sambosu üzrə Rusiya və dünya çempionudur. O, MMA İttifaqının prezidenti Fedor Emelianenkonun kiçik qardaşıdır .

Sentyabrın 25-də Aleksandr Emelianenko Vyaçeslav Datsikə 12 saniyəyə uduzub. Onların boks qaydalarına uyğun döyüşü Moskvada keçirilən Hardcore Boxing promo-turnirinin əsas qarşılaşması olub .