"Messi haqqında bundan sonra da nələrsə eşitsəm..."

MLS-in rəhbəri Don Qarber PSJ-in hücumçusu Lionel Messini liqada görmək istəyir.

Teleqraf.com xəbər verir ki, Qarber Leonun ABŞ-a gələ biləcəyi ilə bağlı söz-söhbətin yayıldığını bildirib. O, Ronaldo haqda da danışıb:

“Son günlər yayılan bütün şayiələrlə tanışam, lakin onların heç biri Kriştiano Ronaldoya aid deyil. Düşünürəm ki, gec-tez onun haqqında da nələrsə meydana çıxacaq. Amma indi bu və ya digər komandanın onunla həqiqətən maraqlandığını deyə bilmərəm.

Onu bizim liqaya gətirə bilsələr, MLS-dən bütün dünya danışardı. Messi haqqında bundan sonra da nələrsə eşitsəm, təəccüblənmərəm”.

Qeyd edək ki, MLS (Major League Soccer) Birləşmiş Ştatlar Futbol Federasiyası tərəfindən təsdiqlənmiş və ABŞ-da idmanın ən yüksək səviyyəsini təmsil edən kişilərin peşəkar futbol liqasıdır.