“Neftçi”nin məşqçisi döyüldü, “Zirə” cəzalandı

AFFA-nın İntizam Komitəsi U-16 Liqasında keçirilən "Zirə" - "Neftçi" oyununda baş verən qalmaqala münasibət bildirib.

Teleqraf.com xəbər verir ki, bunu qurumun mətbuat xidməti açıqlayıb.

"Neftçi" məşqçisi İsmayıl Məmmədov hakimin qərarına kəskin etiraz etdiyinə görə birbaşa qırmızı vərəqə aldığı üçün 2 oyun cəzalandırılıb. "Zirə" azarkeşləri tərəfindən ona fiziki təzyiq göstərilib.

Buna görə "Zirə" növbəti 5 ev oyunu azarkeşsiz keçirəcək. Uşaq və gənclər liqalarında pul cəzası olmasa da, müstəsna hal olaraq qəsəbə klubu 500 manat cərimələnib.