Paris-2024-də idmançılara verilən keyfiyyətsiz medallar dəyişdiriləcək

Olimpiya Oyunlarında zədədən və ya pis keyfiyyətdən şikayət edən bütün idmançıların medallarını dəyişdiriləcək.

Teleqraf.com xarici mətbuata istinadən xəbər verir ki, bu barədə Paris Olimpiya Oyunlarının təşkilat komitəsi xəbər yayıb.

“Medallar oyunların ən çox arzulanan və idmançılar üçün ən qiymətli əşyalarıdır. Paris Sikkəxanası sistematik olaraq zədələnmiş medalları eyni qravüra ilə əvəz edəcək”, - deyə təşkilat komitəsi bildirib.

Daha əvvəl sprint yarışında üçüncü yeri tutan amerikalı idmançı Naydj Hyuston sosial şəbəkələrdə mükafatlandırıldıqdan bir neçə gün sonra qazandığı bürünc medalın bərbad vəziyyətə düşdüyünü yazıb.