"Qarabağ" - "Sumqayıt" oyununda tək qol - Qonaqlar qələbə qazandı

Azərbaycan Premyer Liqasında lider "Qarabağ" növbəti qələbəsini qazanıb.

Teleqraf.com xəbər verir ki, IX turun bağlanış oyununda səfərdə "Sumqayıt"la qarşılaşan Qurban Qurbanovun rəhbərlik etdiyi kollektiv minimal hesablı qələbəyə sevinib.

Yeganə qolu 74-cü dəqiqədə Elvin Cəfərquliyev meydan sahiblərinin qapısından keçirib.

Bu qələbə Ağdam təmsilçisinə ölkə çempionatındakı 21-ci xalı qazandırıb. Turnir cədvəlinə "Qarabağ" başçılıq edir. "Sumqayıt" isə 7 xalla səkkizinci sırada qərarlaşıb.