6,32 milyon insan bu qələbəni izlədi

Bu il 3-cü dəfə təşkil edilən "Audi" kubokuna yekun vurulub.

Publika.az xəbər verir ki, Münhendə təşkil edilən turnirin həlledici oyununda meydan sahibləri "Bavariya" və "Real" üz-üzə gəlib. 164 ölkədə canlı yayımlanan matçı ümumilikdə 6,32 milyon insan televiziya qarşısında izləyib.

"Alyans Arena"da isə 70 min nəfərin izlədiyi qarşılaşma münhenlilərin minimal hesablı qələbəsiylə nəticələnib - 1:0. Madridlilərin qapısından yeganə topu matçın bitiminə 2 dəqiqə qalmış Robert Levandovski keçirib. Bununla da, "Bavariya" ardıcıl üçüncü dəfə bu kuboka sahib çıxıb.

Üçüncü yer uğrunda matçda isə "Tottenhem" "Milan"ı 2:0 hesabıyla məğlub edib.

"Audi" kuboku

Final

Bavariya - Real 1:0

Levandovski, 88.

3-cü yer uğrunda oyun

Tottenhem - Milan 2:0

Çadli, 8. Kerrol, 71.