Millimiz Malta ilə oyuna çıxacaq

Bu gün "Avro-2016"nın seçmə mərhələsində 8-ci turun oyunlarına start veriləcək.

Qol.Az-ın məlumatına görə, Azərbaycan yığması da növbəti matçına çıxacaq.

Robert Prosineçkinin komandası səfərdə qrupumuzun autsayderi Maltanın qonağı olacaq. Bakıdakı görüşdə rəqibinə 2:0 hesabı ilə qalib gələn komandamız eyni uğuru səfərdə də təkrarlamağa çalışacaq.

Son oyunda Bakıda Xorvatiya ilə 0:0 bərabərə qalan millimiz bu görüşün favoriti hesab olunur. Lakin aktivində cəmi 1 xalı olan Malta da doğma azarkeşləri önündə sərfəli nəticə qazanmaq niyyətindədir. Maltanın yığmamıza necə müqavimət göstərəcəyi maraqla gözlənilir.

Qeyd edək ki, Malta - Azərbaycan oyunu Bakı vaxtı ilə saat 21:00-da başlayacaq.

6 sentyabr

"Avro-2016"nın seçmə mərhələsi, 8-ci tur

21:00. Malta - Azərbaycan
Hakimlər: Harald Lexner, Maksimilian Kolbitş, Andreas Ştaudinger, Andreas Haydenrayx (hamısı Avstriya)
Ta Qali Milli Stadionu.