Suares “Barsa”nı finala çıxardı

Klublararası dünya çempionatında (KDÇ) ikinci finalçının adına aydınlıq gəlib.

Komanda.az xəbər verir ki, finala ikinci vəsiqə uğrunda "Barselona" (İspaniya) və "Quançjou Eveqrand" (Çin) mübarizə aparıb.

Katalonlar çinliləri 3:0 hesabıyla məğlub edərək, finala vəsiqə qazanıblar. Oyunda "göy-qırmızılar"ın hər üç qoluna Luis Suares imza atıb.

"Barsa"nın finaldakı rəqibi isə Argentina "River Pleyt"i olacaq. Argentinalılar yarımfinalda "Sanfreççe Xirosima"nı 1:0 hesabıyla məğlub edərək, həlledici oyuna vəsiqə qazanıblar.

"Barselona" və "River Pleyt" arasında final oyunu dekabrın 20-də, Bakı vaxtıyla saat 14:30-da start götürəcək.

Klublararası dünya çempionatı, yarımfinal

17 dekabr

Barselona - Quançjou Eveqrand 3:0

Qol: Suares, 39; 50; 67-pen.

- See more at: http://komanda.az/xeber/15525/#sthash.vCNvMiMK.dpuf