Nigar Camal polisə şikayət etdiyi şəxsi bağışladı

Müğənni Nigar Cama "TikTok" platformasında adına saxda profil açan şəxsi bağışlayıb.

Teleqraf.com xəbər verir ki, Nigar Camal bu haqda İnstaqramda hekayə bölümündə məlumat verib: "Bir müddət öncə adıma açılmış fan hesabı ilə bağlı şikayət ünvanlamışdım. Daxili İşlər Nazirliyi və Bakı Şəhər Baş Polis İdarəsi məsələyə operativ yanaşdı. Həmin şəxs qısa zamanda tapıldı. Lakin sözügedən şəxsin ailə vəziyyətini və peşmanlığını nəzərə alaraq şikayətimi geri götürdüm və onu bağışladım. DİN başda olmaqla, BŞBPİ-yə və bütün heyətə təşəkkürümü bildirirəm".

Qeyd edək ki, Elşən Məmmədov adlı şəxs Nigar Camalın adından səhifə açaraq insanları şantaj edib.