Nazir müavini: “Ermənistanla əməkdaşlığımız ola bilməz”

“Avropa İttifaqı çalışır ki, “Şərq tərəfdaşlığı” çərçivəsində Azərbaycanın Ermənistanla hər hansı bir əməkdaşlığı olsun”.

Bunu Azərbaycanın Xarici İşlər nazirinin müavini Mahmud Məmməd-Quliyev jurnalistlərə açıqlamasında bildirib.

Onun sözlərinə görə, Ermənistan Azərbaycana qarşı işğalçılıq siyasətini davam etdirdikcə bu ölkə ilə Azərbaycanın hər hansı bir əməkdaşlığı ola bilməz.

M.Məmməd-Quliyev deyib ki, regional münaqişələr həll olunmasa, bölgədə tərəqqiyə nail olmaq çox çətin olacaq.