İstirahət günləri baş verən bədbəxt hadisələr: 3 ölü, 2 yaralı

Bakının Binəqədi rayonu ərazisində bədbəxt hadisə baş verib.

Teleqraf.com xəbər verir ki, rayon sakini 87 yaşlı Tatyana Rosiskaya evində iş görərkən yaylığı yandığından baş nahiyəsindən yanıq xəsarəti alıb.

Xəstəxanaya yerləşdirilmiş Tatyana Rosiskaya orada ölüb.

Daha bir bədbəxt hadisə Abşeron rayonunun Saray qəsəbəsində qeydə alınıb. Arif Orucov Saray qəsəbəsində işlədiyi metal sexində elektrik cərəyanı vurması nəticəsində ölüb.

Yasamal rayonu ərazisində də bədbəxt hadisə baş verib. Adil Kazımovun evində təbii qazın sızmasından ani partlayış baş verib.

Mənzilin pəncərə şüşələri sınıb, əl nahiyəsindən yanıq xəsarəti almış Adil Kazımova xəstəxanada ilkin tibbi yardım göstərilib.

Oxşar hadisə Sabunçu qəsəbəsində də qeydə alınıb. Aleksandra Tariçikin yaşadığı evdə təbii qazın sızmasından anı partlayış baş verib. Xəstəxanaya yerləşdirilmiş Aleksamdr Tariçik orada ölüb.

Daha bir hadisə Sabunçu rayonunun Bakıxanov qəsəbəsində baş verib. Tikilməkdə olan ticarət mərkəzində orada işləyən Bakı şəhər sakini Nazim Abdulov 2-ci mərtəbədəki liftin şaxtasına yıxılıb və xəsarətlə xəstəxanaya yerləşdirilib.

Bütün faktlar üzrə araşdırma aparılır.

Hacı Zeynalov