Azərbaycanda zoologiya tarixinə həsr olunmuş kitab nəşr edildi

Azərbaycan Milli Elmlər Akademiyası Elm Tarixi İnstitutunun əməkdaşı Aida Zeynalovanın “Azərbaycanda zoologiyanın tarixinə dair oçerklər (1902-1980)” kitabı çapdan çıxıb.

AMEA-dan Teleqraf.com-a verilən məlumata görə, “Elm və təhsil” nəşriyyatı tərəfindən rus dilində çap olunan kitabın redaktoru institutun direktoru, tarix elmləri doktoru Məryəm Seyidbəyli, elmi məsləhətçisi isə bu müəssisə direktorunun elmi işlər üzrə müavini, ilahiyyat üzrə fəlsəfə doktoru Səbinə Nemətzadədir.

Nəşrdə 1902-ci ildən zoologiya sahəsində aparılan tədqiqatlar, Azərbaycan SSRİ EA-nın Zoologiya İnstitutunda elmi məktəbin yaranması barədə məlumat, həmçinin 10 görkəmli zooloq alimin tərcümeyi-halı yer alıb.