Azərbaycanın BMT nümayəndəliyi namizədlər sırasında

Azərbaycanın Cenevrədəki BMT Bölməsi və digər beynəlxalq təşkilatlar yanında daimi nümayəndəliyi "Geneva Engage Awards" mükafatına namizədlər sırasına daxil edilib.

Teleqraf.com xəbər verir ki, bu barədə "Geneva Internet Platform"un ısəhifəsində dərc edilmiş məlumatda deyilir.

Qeyd edək ki, dekabrın 11-də üçüncü illik "Geneva Engage" mükafatının təqdim etmə mərasimi keçiriləcək.

"Geneva Engage Awards" mükafatları hər il sosial şəbəkələrdə daha çox fəallıq nümayiş etdirən beynəlxalq təşkilatlara, qeyri-hökumət təşkilatlarına, qeyri-kommersiya təşkilalatlarına və daimi nümayəndəliklərə verilir.

Namizədlər sırasına Aİ-nin Cenevrədəki nümayəndəliyi, həmçinin Fransanının, İsrailin, Niderland və İsveçin Cenevrədəki daimi nümayəndəlikləri də var. (trend)