Babək prospekti ilə bağlı - Xəbərdarlıq

Aparılan yenidənqurma işləri ilə əlaqədar dekabrın 18-dən etibarən Bakı şəhərinin Babək prospektində avtonəqliyyat vasitələrinin hərəkəti yol bağlanmadan hissə-hissə qismən məhdudlaşdırılacaq.

Azəravtoyol ASC-dən Teleqraf.com-a verilən məlumata görə, yenidənqurma işlərinə prospektin Nəcəfqulu Rəfiyev küçəsi ilə kəsişməsindən Günəşli qəsəbəsi istiqamətində start verilir:

“Sürücülərdən xahiş olunur ki, təmir işləri aparılan ərazilərdə diqqətli olsunlar, prospektdə sıxlığın yaranmaması üçün öncədən hərəkət istiqamətlərinə uyğun alternativ yollardan istifadə etsinlər".