Sülhəddin Gözəlov dünyasını dəyişdi

Təhsil Nazirliyinin (TN) Ali və orta ixtisas təhsili şöbəsinin sektor müdiri Sülhəddin Gözəlov dünyasını dəyişib.

Teleqraf.com xəbər verir ki, bu barədə Təhsil Nazirliyinin sektor müdiri Cəsarət Valehov özünün Feysbuk səhifəsində yazıb.

"Yaxşı insanları itirmək çox ağırdır. Belə insanlardan biri, səmimiyyəti, insanlığı, yüksək peşəkarlığı ilə örnək olan, təhsil sistemində özünəməxsus hörməti ilə hamının sevgisini qazanmış Təhsil Nazirliyinin sektor müdiri, fəlsəfə doktoru, dosent Sülhəddin Gözəlov ağır xəstəlikdən sonra vəfat etmişdir. Allah rəhmət etsin!"