Bayden bu sənədi təsdiq etsə... - Seyidov açıqladı

Azərbaycana qarşı iki cəbhədə mübarizə aparılır.

Teleqraf.com xəbər verir ki, bunu Milli Məclisin Beynəlxalq münasibətlər və parlamentlərarası komitəsinin sədri Səməd Seyidov deyib.

O bildirib ki, vaxtilə Ermənistan torpaqlarımızı işğal etdi, ancaq sanksiyalar bizə qarşı oldu:

“Qərb ədaləti görmək istəmir. ABŞ Senatının aktı Ermənistanın müdafiəsi aktıdır. Sanki Ermənistanın müdafiəsi Azərbaycana qarşı sanksiyalardın keçir. 907-ci düzəlişin yenidən gündəmə gətirilməsi ikili standartın nəticəsidir. Əgər Bayden bu sənədi təsdiq etsə, ABŞ-Azərbaycan münasibətlərinə ciddi ziyan dəyəcək. Çünki Azərbaycan artıq əvvəlki Azərbaycan deyil”.