Vəkillər Kollegiyası ötən ilin hesabatını açıqladı - Foto

Ötən il Vəkillərin İntizam Komissiyasında qəbul edilən rəylər üzrə Rəyasət Heyəti tərəfindən 217 qərar çıxarılıb.

Teleqraf.com xəbər verir ki, bu barədə Kollegiyanın 2023-cü ilə dair hesabatında qeyd edilib.

Belə ki, 33 (15%) intizam tənbehi tətbiq edilmədən xəbərdarlıq, 21 (10%) irad, 20 (9%) töhmət, 80 (37 %) pozuntu müəyyən olunmadığına, şikayət geri götürüldüyünə görə və s. əsaslarla intizam icraatına xitam vermə, 46 (21%) qiymət verilməsinin mümkün olmaması, 9 (4%) vəkillik fəaliyyətinin müəyyən müddətə dayandırılması, 8 (4%) iş üzrə üzvlükdən xaric olunma ilə əlaqədar məhkəməyə müraciət edilmə ilə bağlı qərar çıxarılıb.

Bundan başqa, ötən il Vəkillər Kollegiyasının Rəyasət Heyətinə 832 şikayət və müraciət daxil olub. Bunlardan 614-ü (74%) ilə bağlı intizam icraatı başlanılmayıb, 218-si (26%) barədə isə intizam icraatı başlanılıb.

Şikayət və müraciətlərə gəldikdə isə 47-si (21%) dövlət orqanlarından, 43-cü (20%) qeyri-dövlət təşkilatlarından və 128-si (59%) isə vətəndaşlardan daxil olub.

Qeyd edək ki, hesabatla burdan tanış ola bilərsiz.