​Allahşükür Paşazadə Belarusun yeni səfirini qəbul edib

Qafqaz Müsəlmanları İdarəsinin (QMİ) sədri şeyxülislam Allahşükür Paşazadə Belarusun Azərbaycana yeni təyin olunmuş fövqəladə və səlahiyyətli səfiri Gennadi Axramoviçi qəbul edib.

Bu barədə Teleqraf.com-a QMİ-dən məlumat verilib.

Görüşdə Azərbaycan və Belarus xalqları arasında dostluq, qardaşlıq əlaqələrinin yüksək səviyyəsindən məmnunluq bildirilib. Bu tarixi, ənənəvi əlaqələrin inkişafında dini-mənəvi əməkdaşlığın da böyük rolu olduğu əlavə olunub.

Qafqaz Müsəlmanları İdarəsi ilə Belarusun dini mərkəzi – Patriarx Ekzarxlığı arasında dinlərarası dialoq sahəsində müsbət iş təcrübəsinin olduğu vurğulanıb.

Bəxtiyar