Ramiz Rövşənin ona verdiyim “Nəfəs” kitabını imzalamamağını dostlar eşidib, reklam edirlər.
Bu sözləri Teleqraf.com-a açıqlamasında gənc şair İltimas Səmimi deyib.
Onun sözlərinə görə, baş verənlər boş şeylərdir:
“Çinarə Ömray onu paylaşıb. Mənə xoş gəlmədi. Xahiş edəcəm, silsin. Ayıbdır. Mən elə şeylərə əhəmiyyət vermirəm. Ramiz Rövşənin qələminə, şəxsiyyətinə böyük hörmətim, sevgim var”.
Qeyd edək ki, Bakıda təşkil olunan V Beynəlxalq Kitab Sərgi-Yarmarkasında gənc şair İltimas Səmimi Ramiz Rövşənin “Nəfəs” adlı kitabını şairə imzalatmaq istəyib. Ancaq Ramiz Rövşən avtoqraf verməkdən imtina edib. Səbəb isə ona təqdm edilən kitabın pirat nüsxə olmasıdır.