Hazırkı vəziyyətdə manatı ciddi təhlükə gözləmir.
Bunu Teleqraf.com-a açıqlamasında iqtisadçı-ekspert Fuad İbrahimov deyib.
O qeyd edib ki, hazırda neftin dünya bazarlarında “oynayan qiyməti”nin manata təsir imkanları azdır:
“Büdcədə neftin qiymətləri sığortalı vəziyyətdə götürüldüyü üçün neft qiymətləri manatı elə də ciddi təhlükə gözləməyəcək. Əgər neftin qiyməti büdcədə götürülmüş minimumdan aşağı düşərsə, manatın yumşalmasına şərait yaradılacaq. Amma neftin 60-75 dollarlıq dəhlizi manata təhlükə yaratmır”.