5 İyul 2015 18:50

Nyu-Yorkda hot-doqların sürətli yeyilməsi üzrə dünya çempionatında yeni qalib müəyyənləşib.

Publika.az xarici mediaya istinadən xəbər verir ki, 23 yaşlı Metyu Stouni 10 dəqiqə ərzində sosiska ilə 62 bulka yeyib.

Rekordçu öz sələfi Coey Çestnatı əvəz edib. Çestnat bu yarışda liderliyi son səkkiz ildə heç kimə vermirdi. Ötən il Stouni 56 hot-doq yeyərək ikinci yeri tutmuşdu.

Qadınlar arasında isə Mik Sudo qalib gəlib. O, 10 dəqiqə ərzində 38 hot-doq yeyib.

Kişilər arasında hot-doqların sürətlə yeyilməsi üzrə yarış Nyu-Yorkda 1972-ci ildən başlayaraq hər il keçirilir. 2011-ci ildə isə yarış qadınlar arasında da keçirilməyə başlanılıb.


Müəllif:
Загрузка...