Həbsdə olan qohumuna telefon verən qadın yaxalandı

Ədliyyə Nazirliyinin Penitensiar Xidmət əməkdaşları tərəfindən həyata keçirilmiş axtarış-baxış tədbirləri nəticəsində 1 saylı cəzaçəkmə müəssisəsinə qadağan olunmuş vasitənin keçirilməsinin qarşısı alınıb.

Bu barədə Teleqraf.com-a Penitensiar Xidmətin ictimaiyyətlə əlaqələr şöbəsindən məlumat verilib.

Məlumata görə, məhkum Mirhəsən Dadaşovun yanına qısamüddətli görüşə gəlmiş qohumu Gülxanım Vəliyevanın gətirdiyi sovqata və üzərinə baxış keçirilib. Baxış zaman Gülxanım Vəliyevanın əl çantasında gizlətdiyi 1 ədəd “Motorolla” markalı mobil telefon aparatı aşkar edilib.

Mirhəsən Dadaşov Cinayət Məcəlləsinin 234.4.1; 234.4.3 və 263.1 maddələrinə əsasən azadlıqdan məhrum edilib.

Fakt üzrə araşdırma aparılır.

Hacı Zeynalov