Mosul əməliyyatı: 2 min sünni döyüşçü İŞİD-ə qarşı - YENİLƏNDİ

Xəbər verdiyimiz kimi, bu gün Mosul əməliyyatları başlanıb.

Türkiyə mediasının yaydığı məlumata görə, İraq ordusu ilə yanaşı əməliyyatlara 2 min sünni döyüşçü qatılıb. Bu döyüşçülər Türkiyə ordusu tərəfindən hazırlanıb. Bununla bağlı Mosulun sabiq valisi və Ninova ordusunun komandiri Esil Nuceyfi danışıb.

Saat 09:25

İraqın Mosul əyalətinin İŞİD terror qruplaşmalarından azad edilməsi üçün əməliyyatlara başlanılıb.

Teleqraf.com TASS agentliyinə istinadən xəbər verir ki, bununla bağlı İraqın baş naziri Heydər əl-İbadi məlumat verib.

Dövlət televiziyasında çıxış edən baş nazir bildirib ki, əməliyyatlarda yalnız İraq ordusu və polis qüvvələri iştirak edir.

Qeyd edək ki, Mosul 2014-cü ildən İŞİD terrorçularının nəzarətindədir.

Samir