Əfqanıstanda xüsusi əməliyyatlarda 19 silahlı öldürüldü

Əfqanıstan Müdafiə nazirliyindən verilən məlumatda, əfqan əsgərləri tərəfindən Paktiya və Faryab şəhərlərində son 24 saatda talibana qarşı reallaşdırılan əməliyyatlarda 19 silahlının öldürüldüyü, səkkizinin tutulduğu bildirilir.

Teleqraf.com-un verdiyi məlumata görə, əməliyyat zamanı çoxlu sayda silah və partlayıcı ələ keçirilib. "Əfqan gücləri, ölkənin müxtəlif bölgələrində talibanlar tərəfindən yol kənarına yerləşdirilən 42 bombanı zərərsizləşdirilib", - deyə, Əfqanıstan Müdafiə nazirliyi məlumat yayıb.

Digər tərəfdən, Kunar şəhərində talibanların yol kənarına yerləşdirdiyi qurğunun partlaması nəticəsində bir əfqan əsgəri həyatını itirdi.