Тramp yenə Merkelin əlindən danışdı

ABŞ prezidenti Donald Тramp Almaniya kansleri Angela Merkel ilə görüşündə onun əlini sıxmadığının səbəbini açıqlayıb.

Trend-in RİA Novosti-yə istinadən verdiyi məlumata görə, Tramp bu haqda Assoşieyted Press Agentliyinə müsahibəsində bildirib.

Tramp deyib: "Həmin vaxt sanki kimsə qışqırdı: "Onun əlini sıxın, onun əlini sıxın", amma mən eşitmədim. Bilirsiniz, biz uzun müddət bir yerdə olmuşuq və mən onun əlini dörd dəfə sıxmışam".

ABŞ prezidenti qeyd edib ki, onunla Merkel, NATO və immiqrasiya məsələlərində olan fikir ayrılığına baxmayaraq, böyük anlaşmaya nail ola biliblər.