İtaliyada kəskin hava - 4 ölü

İtaliyanın şimalında bir neçə gün davam edən dəhşətli istilər yerini güclü külək və yağıntılara verib.

Teleqraf.com-un məlumatına görə, 4 nəfər kəskin hava şəraitinin qurbanı olub.

İki nəfər güclü küləyin qopardığı ağacların altında qalaraq həyatını itirib, bir nəfər isə şimşək vurması nəticəsində həlak olub.

Daha bir nəfər isə daşqının qurbanı olub.

Ümumilikdə, 50-dən çox insan müxtəlif xəsarətlərlə xəstəxanalara yerləşdirilib.

Eyni zamanda, ölkənin cənubunda davam edən şiddətli istilərlə əlaqədar yanğınlar qeydə alınır.

Yanğınların qarşısının alınması üçün helikopterlərdən istifadə olunur.