ABŞ-dan Rusiyaya daha bir qadağa - Viza

ABŞ avqustun 23-dən etibarən bütün Rusiya üzrə qeyri-immiqrasiya vizalarının verilməsini dayandırır.

Teleqraf.com xəbər verir ki, bu barədə Rusiyadakı Amerika səfirliyi məlumat yayıb.

Səfirlikdən bildiriblər ki, rusiyalılara müvafiq sənədin verilməsi sentyabrın 1-dən bərpa olunacaq, ancaq ixtisar olunmuş həcmdə.

ABŞ-ın bu addımı Rusiya hakimiyyətinin ölkədəki ABŞ diplomatik missiya üzvlərinin ixtisarına dair qərarı ilə bağlıdır.

Qeyri-immiqrasiya vizası Birləşmiş Ştatlar ərazisində müvəqqəti qalmağa icazə verən sənəddir. Bura, o cümlədən turistik vizalar, işgüzar və təhsil məqsədilə edilən səfərlər zamanı alınan vizalar və sair daxildir.