Rusiyaya sanksiyalar “axmaq alət”dir – ABŞ səfiri

ABŞ-ın Moskvadakı səfiri Con Tefft Rusiya əleyhinə sanksiyaların “axmaq alət” olduğunu etiraf edib.

Teleqraf.com “RİA Novosti”yə istinadla xəbər verir ki, o, eyni zamanda sanksiyalara ehtiyac olduğunu bəyan edib.

“Mənə elə gəlir ki, sanksiyalar “axmaq alət”dir. Buna dair heç bir şübhə yoxdur və hamı bunu anlayır. Lakin həmin vaxt Barak Obama administrasiyası qarşısında seçim bu cür idi: Siz Rusiya ilə müharibə etmək istəyirsinizmi?”- deyə səfir “Exo Moskva”ya müsahibəsində bildirib.

Diplomat qeyd edib ki, bu, dünyaya hüququn pozulması ilə razılaşmadıqlarını ifadə etmək üçün lazım idi.

Con Tefft vurğulayıb ki, Moskvaya qarşı sanksiyalar hərbi təsirlərə alternativ kimi qəbul edilmişdi.