“Qara cümə”dən milyardlar qazandı – Rekord

“Amazon” onlayn satış platformasının yaradıcısı Ceff Bezosun sərvəti bir gündə 100,4 milyard dollar çatıb.

Teleqraf.com xarici mediaya istinadla xəbər verir ki, “qara cümə”də həyata keçirilən satışlar ona 2,3 milyard dollar qazandırıb.

Bununla o, sərvəti 100 milyardı keçən ikinci şəxs olub və “Forbes”un milyarderlər siyahısında birinciliyə yüksəlib.

Bundan əvvəl, “Microsoft”un yaradıcısı Bill Qeyts 1999-cu ildə sərvətini 100 milyarda çıxarmışdı. Qeytsin hazırki varidatı 90 milyard dollar həcmindədir.

“Amazon” şirkəti isə dünənki satışdan sonra 571 milyard dollar ilə dünyanın ən dəyərli 4-cü şirkəti olub. “Microsoft” 642 milyard ilə 3-cüdür.