Qəddafinin oğlu namizədliyini irəli sürdü

Sabiq Liviya lideri Müəmmər Qəddafinin oğlu Seyf əl-İslam prezidentliyə namizədliyini irəli sürüb.

Teleqraf.com xəbər verir ki, bunu Qəddafi ailəsinin nümayəndəsi Ayman Buras bəyan edib.

Bu ilin ortalarında ölkədə prezident seçkilərinin keçirilməsi nəzərdə tutulub.

Seyf əl-İslam Qəddafi Liviya parlamentinin qəbul etdiyi ümummilli amnistiya qərarından sonra ötən ilin iyununda azadlığa buraxılıb.

2011-ci ildə Müəmmər Qəddafinin devrilməsindən sonra Liviyada ikihakimiyyətlilik hökm sürür.