Qəzzada toqquşma: 14 ölü, 1000-dən çox yaralı - Video

21:55

İsrail ordusunun HƏMAS-ın nəzarəti altında olan Qəzza zolağına aviazərbələri nəticəsində 14 fələstinli ölüb, 1000-dən yaralı var.

Teleqraf.com xəbər verir ki, məlumatı Fələstin Muxtariyyətinin Səhiyyə nazirliyi verib.

Qəzza zolağında minlərlə fələstinli altı həftəlik etiraz aksiyası çərçivəsində İsrail sərhədinə yürüş edib.

BBC xəbər verir ki, İsrail hərbçilərinin açdığı atəş nəticəsində azı 8 nəfər ölüb, mindən çox insan yaralanıb.

İsrail ordusu yürüşü altı müxtəlif nöqtədə baş verən “iğtişaşlar” kimi qələmə verib və yalnız əsas təxribatçı fəallara atəşin açıldığını bəyan edib.

“Böyük qayıdış” yürüşündə iştirak edən fələstinlilərin hazırda İsrail sərhədi yaxınlığında beş məntəqədə çadır düşərgəsi qurduğu bildirilir.

Aksiya iştirakçılarının İsrail hökumətindən əsas tələbi qaçqınların doğma vətənlərinə qayıtmalarıdır.