ABŞ-dan ilginc Türkiyə açıqlaması

ABŞ Mərkzi Qüvvələrinin (CENTCOM) komandanı general Josef Votel Mənbiçdə Yol xəritəsi çərçivəsində Türkiyə ilə ABŞ-ın cəbhə xəttində yaxın vaxtlarda birgə hərbi təlimlərə başlayacaqlarını bildirib.

Teleqraf.com xəbər verir ki, Votel Mənbiçdə Türkiyə ilə birlikdə koordinasiyalı, amma müstəqil şəkildə əməliyyatlar apardıqlarını qeyd edib.

Komandan Putin və Tramp arasında Helsinkidə keçirilən görüşdə müzakirə olunan Suriya böhranı ilə bağlı ona heç bir yeni təlimat göndərilmədiyini diqqətə çatdırıb.

Votel qeyd edib ki, Suriyada ABŞ hərbçiləri Rusiya hərbçilərilə peşəkar şəkildə əlaqələr qursalar da, birgə əməliyyatların keçirilməsi üçün Konqresin qərarı olmadığından bu, baş tutmur.

CENTCOM rəhbəri ABŞ-ın Suriyadakı mövcudluğunun İrana görə olmadığını və əsas məqsədin İŞİD-ə qarşı mübarizə olduğunu bildirib.