Türkiyə İrandakı terror aktını pislədi

Türkiyə XİN İranın Əhvaz şəhərində baş verən terror aktını pisləyib.

Teleqraf.com xəbər verir ki, bu barədə nazirliyin yaydığı bəyanatda bildirilir.

Qeyd olunur ki, Türkiyə hadisə nəticəsində ölənlərə Allahdan rəhmət, yaralananlara isə tezliklə sağalmağı diləyir.

Xatırladaq ki, dünən İranın Əhvaz şəhərində naməlum şəxslər hərbi parad iştirakçılarına atəş açıblar. Son məlumatlara əsasən, terror aktı nəticəsində 28 nəfər ölüb, 60 nəfər isə yaralanıb. Ölənlər araında dinc sakinlər də var.