23 Sentyabr 2018 18:54
679
12 Punto 14 Punto 16 Punto 18 Punto

İran Xarici İşlər Nazirliyi 29 nəfərin həyatını itirdiyi Əhvazdakı terror aktı ilə əlaqədar Böyük Britaniya, Danimarka və Hollandiyaya müraciət edib.

Teleqraf.com xəbər verir ki, bu barədə müraciət İran XİN-in rəsmi nümayəndəsi Bərham Qasıminin adından yayımlanıb.

Qasımi bildirib ki, aktı həyata keçirən Əhvaz qruplaşması Avropa İttifaqının terror təşkilatları siyahısına daxil edilməlidir:

“Belə qruplaşmaların terror siyahısında yer almaması qəbuledilməzdir. Avropa İttifaqı bu addımı atmalıdır”.

Qeyd edək ki, sentyabrın 22-də İranın Əhvaz şəhərində baş vermiş terror aktında 29 nəfər həlak olub, çoxlu sayda yaralı var.

Aktın məsuliyyətini Əhvaz qruplaşması öz üzərinə götürüb.


Müəllif: Mənsur Rəğbətoğlu