Ukraynada prezidentliyə namizədlərin sayı 8-ə çatdı

Ukrayna Mərkəzi Seçki Komissiyası yanvarın 15-də keçirilən iclasında daha üç nəfərin prezidentliyə namizədliyini təsdiqləyib.

Teleqraf.com xəbər verir ki, iclasda “Naşi” partiyasının üzvü Yevqeniya Muraeva, “Qrajdanskaya pozitsiya” partiyasının rəhbəri, deputat Anatoliy Qriçenko, Ukrayna Ali Radasının komitə sədrinin müavini Vitali Kupriyanın prezidentliyə namizədlikləri qeydə alınıb.

Bununla da prezidentliyə namizədlərin sayı 8-ə çatıb. Daha iki nəfərin namizədliyinin qeydə alınmasından isə imtina edilib.

Qeyd edək ki, Ukraynada prezident seçkiləri martın 31-də keçiriləcək.