Tramp Meksika sərhədində canlı sədd qurmaq istəyir

ABŞ Prezidenti Donald Tramp Meksika sərhədində divar tikintisi üçün vəsait ayırmağa Konqres tərəfindən razılıq verilməsə, sərhəddə insanlardan ibarət canlı sədd qurulacağını istisna etməyib.

Bu barədə dövlət başçısı “Twitter”dəki səhifəsində yazıb.

“Cənub sərhədimizi keçmək üçün Meksika ərazisi ilə saysız-hesabsız insanlar gəlir. Artıq əlavə hərbi qüvvələr göndərmişik. Lazım gələrsə, insanlardan canlı sədd də qurarıq”, - D.Tramp yazıb.

ABŞ Prezidenti həmçinin divar tikilərsə, belə ifrat addımlara ehtiyac qalmayacağını da qeyd edib.